名校生讀好Bio全攻略（四）
28/06/2025
所以第二個考慮因素就自然引伸到你嘅大學選科甚至乎職業取向啦。如果你鍾意從事同醫有關嘅科目，咁樣生物呢一科就真係要揀嘅。相反如果你第時都係諗住做嘅職業同呢一科係唔相關嘅，而你又真係對呢一科毫無興趣，咁就真係唔好揀啦。
隨着科技進步，人類壽命整體變長，生物科技、醫療、藥劑等等生物相關嘅行業的確非常吃香，但永遠記得選取職業同選科一樣，都唔可以勉強。唔可以因為呢科有前途而揀。
我有一啲學生，明明就係擅長文科或者音樂，但係如果佢讀名校中學，呢啲學校最叻嘅學生通常都係揀phy chem bio m1/m2, 最多俾啲History啊Geog你揀吓囉，好難有Music啊Eng lit呢啲科目揀。呢啲學生其實去到國際學校就會好啲囉，多啲選擇冇咁公式化。我有個學生，因為學校太少科目選擇，去逼住揀埋chem同Bio, 佢啲中英數同History都讀得好好，但佢對兩科理科真係冇興趣，一直都提不起勁，佢而家係花最多時間讀呢兩科但係都讀得唔太好。相反其他科目，尤其是英文同History，佢幾乎唔使溫習都可以名列前茅。
原來當初佢父母都好希望去揀呢兩科，原因就係覺得大學揀科選擇多，將來出路有多，但呢個學生講到明就算將來佢出嚟教英文都唔會做醫學相關嘅工作。你要知道Miss Wong好多名校學生，呢啲錯配嘅例子總會發生，即係學生就算勉強走一條自己唔鍾意嘅路都唔會走得長囉，只會白白浪費幾年嘅光陰去兜圈。咁又何苦呢。
我是Miss Wong, 專科生物補習老師。歡迎查詢及試堂，包括Dse biology, igcse biology, IB biology, GCE biology, 有小班及少量單對單，親自任教，名額有限。學生成績超班、大有進步才是重點全部有真見證，是bio補習不二之選。
