最後階段 該怎樣操Dse biology past paper？
01/04/2022
相信很多同學都聽過，最後階段，一定離不開操past paper的。可是應該怎樣去操呢？
如果你一直有補習，自問最少有4的水平，便可以直接全份計時操練，記得必須計時，你要計時先知道點樣取捨每題大約可以諗幾耐同寫幾多。Dse考試的時間管理相當重要，你必須認真地計時做卷先可以在時間分佈上汲取經驗。
每做完一份卷，最好有一定經驗的老師幫你改卷，因為自己會以為自己的答案都ok, 但其實係唔得。有些老師則必須學生寫到同marking scheme一模一樣先俾分，也是不恰當的。
當然Miss Wong一直鼓勵學生一開始就讀marking scheme、背marking scheme, 因為教課書未必和marking scheme 一致，而且會有很多不會幫你取分的内容，你寫下去只會令自己浪費時間做唔切份卷，又話者寫到冇位自然唔想再多寫，結果係需要寫的反而冇寫足。
二來老師跟marking scheme改卷，你寫番marking scheme style等人地好改，都易啲俾分你。唔好諗住你可以用自己文字寫番個意思出來，一個初學biology 的人點可能有這個功力？初學者當然要乖乖背好基本題型，正如你剛識字，若不背多些四字詞和成語之類，又點可能自己作文？
我也同意有些marking scheme有時係不太足料，我們就寧願base on marking scheme的框架再作出適量的延長、深化、補充，當然這個功力也不是中學生可以有，這方面你需要好的老師協助。
做卷相當費時，所以同學必須改正後背好一份past paper的標準題型，再做下一份，這樣你會發現你做題的品質越來越好，答題越來越精準，對題型越來越感銳。如果做完一份，沒有深化再立刻做下一份，就是浪費時間複製劣質罐頭，材料差，做多少罐都是不好吃的。
如果你發現自己未有4的水平，你就要用睇答案、背答案的方式一題題go through. Go through完先全份做，如果這情況下都啱唔到八成，就必須要有單對單補習老師協助你，一條一條解明你再背。如果全部解得明白都背唔到，就是不夠勤力，只有自己改變才能幫助自己了。
我是Miss Wong, 專科生物補習老師。歡迎查詢及試堂，包括Dse biology, igcse biology, IB biology, GCE biology, 有小班及少量單對單，親自任教，名額有限。是bio補習不二之選。
